兌現承諾

終於兌現承諾了😊
妹bi叫媽咪自家製碗仔翅，已經有好幾年了。 媽咪感到好難整，都係同妹bi 講：遲啲遲啲。之前想整時，又買唔到仿魚翅。呢排留在家整下食物，妹bi又提出請求。好！ 媽咪即刻去買材料。
最初買唔到馬蹄粉，整出來碗仔翅較稀。媽咪始終未合心水，下午再去找馬蹄粉。找到了，碗仔翅整得-杰-了， 似外面街的質感。
妹bi 好滿意😊😋。
多謝屋企白老鼠試食。

煎薄餅， 好味呀！

今天有整新野食，成日都想整，大家都好鍾意食。。。。。係 煎薄餅😊

好味好味好好味呀！

多謝屋企的白老鼠幫手品嚐！😊

自家試製 - 香蕉蛋糕

今晚試整香蕉蛋糕！😊
在街很難找到熟透的香蕉，只盡量買最熟的香蕉來整蛋糕。

邊焗邊散出香味，焗出來了， 樣子不是很靚，皮看起來很脆。試下味道先😊😋： 可能香蕉未是很熟，香蕉唔夠多，蛋糕無咩香蕉味。但是， 竟然有咸味， 咸咸地，個皮又脆，好好味。😋

會繼續努力，下次會進步。💪

（減肥期間都忍唔住吃一件😝）

第一次穿上中學校服回校

妹bi 第一天穿上中學校服回校，雖然不是正式上學，只是回校取書本，但是都值得記錄呢一刻。

眼見好多家長都陪女入校， 媽咪選擇， 比妹bi 自己入去處理。是時候學會成長， 慢慢來， 我們一起同行的。

穿上中學校服， 感覺長大了。加油啊！ 中學生活愉快！

Zoom 堂 - 基督少年軍集隊

疫情關係， 實體上課都停止了。 基督少年軍亦都因此而取消實體集隊， 唯有用Zoom 集隊，大家傾下偈。😊

妹bi 都升上中級組了， 两姐妹一起上堂， 十分開心😊。 可以分享的事又越來越多 ， 两姐妹感情亦越建越固，希望你們互相扶持，👯在基督裡快樂成長。

自家製pizza

媽媽一直都想整pizza, 今天終於有機會了。

第一次整， 賣相有待改善， 但味道真的很好。

下次會再好味及靚啲。

好好玩， 有滿足感。😊